Está es la nota de prensa que nuestra compañera Luisa, en representación de los usuarios entre Santiago y A Coruña, envió con motivo de la inauguración de los nuevos servicios del Eje Atlántico.
"Os usuarios do tren entre Vigo e A Coruña, e viceversa, acusan a RENFE de darlles
as costas aos cidadáns por non acomodar os horarios ás necesidades dos
viaxeiros/as, negándose a reforzar as horas punta e facer cambios atendendo
exclusivamente aos intereses comerciais da compañía. O facelo deste xeito,
opinan os usuarios, “dilúe o verdadeiro
sentido de servizo público que debería primar nestes casos”, aseguran desde
a plataforma que lidera Luísa, e que xurdiu hai algo máis de 11 anos
para reivindicar un tren de calidade para a cidadanía galega.
A infraestrutura,con novos trazados e vías, chega tarde e
como mal engadido a compañía non ten trens suficientes para atender unha
demanda de frecuencias acorde coas necesidades dos cidadáns. Poucos cambios
coas novas vías, afirman os viaxeiros/as, "gañaranse
algúns minutos nos traxectos porque a
infraestrutura ofrece outras prestacións canto a velocidade e seguridade, pero
seguimos co mesmo número de trens diarios, o que implica unha clara
infrautilización das vantaxes dos novos trazados. Repítense as taras deste
país, aeroportos sen avión, portos sen barcos e estacións ou vías sen trens”.
O problema aumenta porque os horarios axústanse moi mal ás necesidades do mundo
laboral. “ Non ten sentido que nos
ofrezan un tren que chegue ás 9 h á Coruña cando esa é xustamente a hora de
entrar nos traballos, e así moitos máis casos, tanto na ida coma na volta.”
Os usuarios tamén se queixan de que os novos horarios e
frecuencias entrarán en vigor na primeira quincena do vindeiro mes e a estas
alturas RENFE non comunicou aínda a previsións de horarios e frecuencias. “Os traballadores temos que planificarnos,
temos fillos, familias, persoas que dependen de nós e horarios que cumprir nos
nosos traballos.Incluso enlaces con outros transportes antes ou despois do
tren. Non poden comunicar os cambios de horario dous ou tres días antes e non darnos
tempo a reaccionar e organizar as nosas vidas”. Pese á insistencia por
parte dos viaxeiros o ocultismo e negación a dar cambios de datas e día do
cambio é total e absoluta.
“Unha vez máis os
galegos debemos aportar con impostos de primeira para ser cidadáns de terceira.
Mentres todo isto ocorre, a administración segue subvencionando a RENFE cos
nosos cartos para atender o seu interese comercial”, aseguran desde a
plataforma.
O día 27 de marzo , a representante Luísa,
presentou un documento con arredor de 500 sinaturas nas oficinas da compañía
ferroviaria d´A Coruña. No escrito os usuarios/as pídenlle a RENFE
transparencia, información e horarios con suficientes frecuencias de trens que
atendan as demandas dun público que nos últimos anos aumentou un dous centos por cen, aseguran os
afectados.
Luísa
Representante do colectivo de usuarios no traxecto
Santiago-A Coruña, ida- volta"
0 comentarios:
Publicar un comentario